فيه نوعين ردود تقدر تستخدمهم مع بعض. القواعد الثابتة: كلمة معينة توصل ويطلع رد محدد، وتنفع لساعات العمل والعنوان. والردود الذكية: تفهم سؤال العميل بأي صياغة وتجاوب من معلومات متجرك.
طريقة العمل
اكتب قواعدك
من صفحة «الرد التلقائي» تضيف الكلمة والرد اللي يطلع لها.
عبّي الملف التجاري
معلومات متجرك ومنتجاتك هي اللي يجاوب منها البوت الذكي.
اختر وضع التشغيل
من إعدادات البوت للرقم: قواعد بس، أو ذكاء اصطناعي بس، أو مزيج بينهم.
الميزات
حالات الاستخدام
متجر إلكتروني
يجاوب عن الأسعار والتوفر والشحن من بيانات متجرك
مطعم
يعرض المنيو ويستقبل الطلب ويرسل الموقع
حجوزات
يجمع تفاصيل الحجز من العميل، وموظفك يأكد الموعد
حدود الميزة
- القاعدة الثابتة تطابق الكلمة نفسها وما تفهم الصياغات الثانية. للأسئلة المفتوحة استخدم الردود الذكية.
- البوت الذكي ما يخترع: إذا ما لقى الجواب في معلوماتك، يتصرف حسب إعداد «التحويل والتنبيهات».
- إذا رديت من تطبيق واتساب في جوالك، البوت يوقف عن هذي المحادثة لحاله. أما من صندوق المحادثات في اللوحة، أوقفه للمحادثة قبل ما ترد.
أسئلة شائعة
وش الفرق بين القواعد الثابتة والردود الذكية؟
القاعدة الثابتة: كلمة معينة توصل ويطلع رد محدد، وتنفع للردود الحرفية زي ساعات العمل. الردود الذكية تفهم سؤال العميل بأي صياغة وتجاوب من معلومات متجرك. والأفضل تستخدمهم مع بعض.
الردود الذكية داخلة في الاشتراك؟
إيه، بدون رسوم إضافية ولا حساب خارجي تسويه بنفسك. اللي يحكم الاستخدام هو حد الرسائل الشهري في خطتك.
كيف أوقف البوت عن عميل معين؟
من صندوق المحادثات تختار الإيقاف لهذي المحادثة: لمدة تحددها، أو لين ترجعه أنت، أو نهائي لهذا الرقم. وإذا رديت من تطبيق واتساب في جوالك، يوقف لحاله.